Ştefan Möler

Ştefan Möller 1985-ci ildə Vyanada keçirilmiş Beynəlxalq Bethoven Piano Müsabiqəsində mükafat qazandıqdan sonra beynəlxalq aləmdə tanınmağa başlamışdır. O vaxtdan bəri onun zəngin və fəal konsert fəaliyyəti Avropanı, ABŞ-ı, Yaponiyanı və Çini əhatə etmişdir. Geniş repertuara malik olmasına baxmayaraq, o xüsusilə Vyana klassikası, xüsusilə də Lüdviq van Bethovenin əsərlərinin ifaçısı kimi tanınır. Bethovenin 250 illik yubileyi münasibətilə, 2020-ci ildə o, “Beethoven 32×32” adlı qlobal konsert turuna başlamışdır. Bu layihə çərçivəsində Bethovenin 32 piano sonatası dünyanın 32 müxtəlif şəhərində səsləndirilməli idi.

Möllerin qeyri-adi səsyazmaları arasında Bethovenin dördəlli Böyük Fuqa (Große Fuge) əsərinin öz-özü ilə Bösendorfer kompüter fortepianosunda ifası və Rixard Vaqnerin bütün orijinal piano əsərləri yer alır. Hazırda o, Bethovenin 32 piano sonatasının tam səsyazması üzərində işləyir.

Ştefan Möller 1955-ci ildə Almaniyanın Hamburq şəhərində anadan olmuşdur. O, Peter Haylbut (Hamburq), Kurt Seybert (Bremen) və Hans Layqraf (Zalsburq) kimi görkəmli müəllimlərin rəhbərliyi altında təhsil almışdır. Fortepiano və dirijorluq üzrə bədii təhsilini Zalsburqdakı Mozarteum Universitetində tamamlamışdır. 1983–1989-cu illər arasında o, Herbert fon Karayan və digər dünya şöhrətli dirijorların Zalsburq Festivalındakı bədii assistenti olmuşdur. 1990–2020-ci illər ərzində Vyana Musiqi və İfa Sənətləri Universitetində professor vəzifəsində çalışmışdır.

2020-ci ildən etibarən fəal konsert fəaliyyətini davam etdirməklə yanaşı, o, Vyanadakı Riçard Vaqner Konservatoriyasında pedaqoji fəaliyyət göstərir. O, Avstriyada və beynəlxalq aləmdə tez-tez mühazirələrə, ustad dərslərinə və müsabiqə münsiflər heyətinə dəvət olunur. 1998-ci ildən etibarən o, Vienna International Pianists təşkilatının və onun uğurlu VIP Academy festivalının prezidentidir. 2009-cu ildə isə Rosario Marçiano Beynəlxalq Piano Müsabiqəsinin əsasını qoymuşdur.

2022-ci ildə o, Vyanada keçirilmiş “Odlar Yurdunun Sədaları” adlı beynəlxalq musiqi müsabiqəsində münsiflər heyətinin üzvü olmuşdur.